avr
15
2010

عباس طاحو ليه على المو دو پاس

والله آسيدي هاد لمغاربة (لمخاربة) ما بقاو كايحشمو! واش دابا عباس الفاسي ناقصينو الهاكرز تاهوما؟ حشوما ڭاع آدراري والله تا عيقتو على السيد! آيه آسيدي حنا عارفينو مادار تا وزة و منهار شد هاديك المزغوبة ديال الحكومة والمصائب نازلة على هاد البلاد، ولاكن ماشي هادي هي الطريقة باش زعما غادي نحركو العمل السياسي ولا غادي نطالبو ڭاع بالشفافية ،و ارا برع ڭاع دوك المصطلحات النضالية لي عزيزة على شي بعضين حيت ملي كينطقوها،  كايحسو بالتيستوستيرون ديالهم خدام…
خليونا من هاد البسالات ديال الدراري الصغار، راه صياد النعامة يلقاها يلقاها، وهاد العايق لي دار هاد السپيد ديال زعما پيراطا السيت ديال الوزير الاول وحط فيه تصويرة ديال "التشي" راه مسكين غا كايرون. آش قدينا دابا؟ لاش وصلنا؟ والو! ربما وصل هاد السيد انه يضحك الناس شوية ولكن إلى مشا تا حصل، وا شحال ديال بنادم غادي يضحك عليه!!
آلخوت، راه المغرب خاصو شباب كايفكر بإيجابية ماشي غا كايخربق. النقد البناء، وإقتراح الحلول البديلة والعمل الفعلي لا فإطار الاحزاب السياسية و لا المجتمع المدني ولا غير فالقهوة او راس الدرب، ممكن يعطي الثمار ديالو، خاص غير الصبر و المثابرة، تا حاجة ماكاتجي بالزربة، والاهم تاحاجة ماكاتجي بوحدها.
الحاصول انا بعدا كانعتدر للسي عباس، بالنيابة على فئة ديال الشباب لي كانمتلها و كانڭول ليه من هاد المنبر سمحلينا الواليد و ماديرهاش منا قلة الصواب.

About the Author: Riad Essbai

Blogueur marocain passionné, élu meilleur blog en 2009, rédacteur de contenu sur plusieurs plateformes web et journaliste free-lance ; Riad Essbai est un cadre commercial, spécialiste en communication, en formation et en animation de réseaux de ventes.

4 Comments + Add Comment

  • [...] This post was mentioned on Twitter by Maroc Blogs. Maroc Blogs said: عباس طاحو ليه على المو دو پاس: والله آسيدي هاد لمغاربة (لمخاربة) ما بقاو كايحشمو! واش دابا عباس الفاسي ناقصينو اله… http://bit.ly/c1zb3B [...]

  • Bonjour,

    Je me permets de vous contacter car nous avons trouvé votre blog très intéressant. En effet, après en avoir consulté de nombreux autres et au vu des commentaires des internautes, vos prises de parole sont d’évidence pertinentes et suscitent un vif intérêt.

    Nous travaillons avec un constructeur automobile qui a pour ambition de s’impliquer de plus en plus dans des actions sur Internet et souhaiterait ainsi faire participer la communauté de la blogoma.

    Ce constructeur organise le 28 et 29 avril à Marrakech un évènement important pour le lancement d’un nouveau véhicule. Il souhaiterait ainsi inviter des blogueurs pour la présentation presse de ce nouveau modèle.

    Auriez vous une adresse mail contact ou un numéro de téléphone afin de vous transmettre les dernières informations?

    Avec nos remerciements,

    L’équipe web

  • يكول لحمدو الله مني جات غير على المودباس

  • [...] déjà rebondit sur le sujet quand je l'ai lu chez Larbi, et ma position était clairement [...]

Leave a comment